علامك ما تساعدني

انا مشتاق يالخاطر ... علامك ما تساعدني ... ؟
اشوفك واصلن حدك ... ! و باين فيك تكشيره

تقول انك محيت الشوق ...؟ لاكنه يراودني
وطول الوقت يالخاطر ... يزيد بقلبي الحيره

صحيح اني تناسيته ... ولاكنه معاندني
طغا حبه علي قلبي ... بناله داخلي ديره

اذا سجيت عن حبه ... بدا حبه يناشدني
اشوف طيوفه اقبالي ... بها غمزه وتأشيره

هقيت اني طفيت الحب ... بس الحب وقدني
كذا ساكن بي من الله ... ملا كل فجوه صغيره

انا حاولت نسيانه ... ولاكن طيفه اجهدني
سكن في داخل اعيوني ... ولا عدت انضر لغيره

انا وش جابني للحب ...؟ ودروبه يوردني
حشى ماكنت متعلق ... ولاكن علها خيره