صرت أسوّي كل شي

بس لجل يعرف إني صرت أسوّي كل شي
صرت أسوّي أي شي حتى لو مو مقتنع به
 
جد تعبت أوفي معاه وهو قلبه ماهو حي
كنت أحسب إنه علاجي , وهم قلبي هو طبّه
 
ثم عرفت إنه أناني إتكالي مملي غي
واكتشفت ان من عرفته هو لكل همومي سبه
 
ياما كنت أطلب رضاته لني جد أحسه خي
أمّا هذا اليوم يحمد ربه إني ما بسبه
 
في البداية كان يكوّي بُعده هذا القلب كي
وكان طيفه لا حظرني ملح بجروحي مصبّه
 
وبالتعوّد صار طيفه للدروب الظلمة ظي
أما شخصه ما يهمني ماظي والماظي بكبّه
 
بفتح اكتابك يعمري وبطوي باب الذكرى طي
بس باب أصحابي يفرد بلغي من له قلبي لبه
 
بشطب اسمه من حياتي واروي بُعده بدمعي ري
و زوله اللي في خيالي بحرقت اجروحي بشبّه
 
اللي لجل يعرف اني صرت اسوّي كل شي
وصرت أسوي أي شي حتى لو مو مقتنع به
 
19/12/2010