:
يا بابا ليش انته هيك ؟؟؟!
بِتْأتّل شعبك بيديك ؟؟؟!!
عن جد إني مَ تْوأعْتَك ....
لَكْ إحكي شو صاير فيك؟؟!!
:
يا بابا ليش انته هيك ؟
بِتْأتّل شعبك بيديك ؟
:
عم تسجن أكتر من ربعن
عم تئتل أكتر من نصّن
ما ضلّ واحد فيهن سفّئ
رح تصفى لْ حالك رح تصفن !
:
يا بابا ليش انته هيك ؟
بِتْأتّل شعبك بيديك ؟
:
رح تندم لك ليل انهار
ما رح تنفعْك الأشعار
ما رح تكسب لا بالدنيا
ولا بالآخر إلا النار !
:
يا بابا ليش انته هيك ؟
بِتْأتّل شعبك بيديك ؟
:
مافيني إصبر ما فيني
أدرك على راسي وعلى عيني
بس لا تغدر لا تتكبّر
رح إخسر عمري وسنيني
:
يا بابا ليش انته هيك ؟
بِتْأتّل شعبك بيديك ؟
:
ما بتحاسب ع المصاريف؟
عامل لي فيها العرّيف
كيف ابْتئدر ليله اتنام
دخلك ما بتفكّر كيف ؟
:
يا بابا ليش انته هيك ؟
بِتْأتّل شعبك بيديك ؟
:
يا بابا شعبك عم يصْرَخ
شبّيحه ابتضرب وبْ تشرخ
والفاضي عم يعمل آضي
يللي بْ يحكي جلدو بيسلخ
:
يا بابا ليش انته هيك ؟
بِتْأتّل شعبك بيديك ؟
:
يا بابا ليش انته هيك ؟؟؟!
بِتْأتّل شعبك بيديك ؟؟؟!!
عن جد إني مَ تْوأعْتَك ....
لَكْ إحكي شو صاير فيك؟؟!!
لَكْ إحكي شو صاير فيك؟؟!!
لَكْ إحكي شو صاير فيك؟؟!!
لَكْ إحكي شو صاير فيك؟؟!!
لَكْ إحكي شو صاير فيك؟؟!!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.