قلب ناسيك

قررت أبرحل عن حياتك واخليك
دامك عشقت الدمع لا سال مني

آنا تعبت آتيك وآتيك وآتيك
وفْ كل مره تبتعد زود عني

وش لي بحبك وانت هالغير لاهيك
وآنا هنا ألفين مره تمرني

وش لي بدنيا كلها (قلب ناسيك)
وانت الذي كلك بقلبي سكنّي

آنا عجزت الصبر بكلح لياليك
يا من تجمّع بالصبر ثُم نثرني

هالجو كله غيم والناس تطريك
والصدر صاده ضيم والهم دلني

لا قلت لك حيّاك ردّيت مابيك
حتى أثر ممشاك بعدك فهمني

تدري وش اللي حدّني ألتزم فيك؟
إنك صريح وْ ناكرٍ وتْجَرِحْني

وآنا ليا من سال دمّي باراضيك
مثلك ثمن هالدمّ قدّه خسرني

كثر الزعل لاسباب تعجز تواسيك
كثر الرضا لارحت والخوف ضمني

راح ألتقي باللي سحب في نواصيك
وآشوف م اللي يقطرك كثر فنّي

واسحب عروقً تلزمك بي تعاديك
واترك شظا ذكرى غرامٍ حرقني

النار ما تخمد على نسمتك ذيك
كل الغمام اللي حواني هطلني

وآنا طفيت الجمر والبال خاليك
والعين جفّت مع رموشي وجفني

بعد الرحيل أصبحت من جد ساليك
واصبحت أنا وحدي ووحدي أهمني !