دمعة الرجال تفرق بالدموع

دمعة الرجال تفرق بالدموع
كان طاحت من عيونه يستريح
رمش عينه ينتخي عند الخضوع
دمعته لاصار عيت لاتطيح
عاد خذها وانحدر بعد الطلوع
مثل دمعة بلة الرمش وتزيح
تنولد من اول العين وتفوع
من ضياق العين تقبل للفسيح
كان طاحت بالثرى مافيه جوع
مالقت مجلاس بالكف الشحيح
تنتظر والوقت عدى با سبوع
حظها يا بالنفل ولابشيح
يمكن اسقت بالجذور وبالفروع
ويتشربها غصن ويهب ريح
والغصن يغتاله الفاس القطوع
بالغصن تبقى وتسكن لاتسيح
وانكساره للحطب لنار طوع
واللهب شبابه الوجه الفليح
لجل وافين الجماعه والربوع
باتركك ماصح لي غير الصحيح
مثلك اللي طمعته في حب كوع
ويل منهو صار في يدك جريح
التعب لاجيت ماجيت القنوع
وان بغيت بلهجتي فيها فصيح
السيوف انكان ماهي بالضلوع
المهم اخطت على راس النطيح