من فقد أم وأبو ماهو يتيم:

من فقد أم وأبو ماهو يتيم
اليتيم اللي يسير بمضيعه
والعطا لو يجحد كفوف الكريم
ما إنتظرنا بالمواقف مطلعه
واللئيم وما إدراك ماللئيم
شخص تافه مايمد المنفعه
اخ ياذكرا وياجرح قديم
واحد ثنينه ثلاثه اربعه
أعوذ بالله من الشيطان الرجيم
أما بعد : يا إصدقاء الزوبعه
من هنا نبدا وفي طرحي أهيم
وقتنا ضيق ولا هي مطمعه
تخيلوا ان العمر هو مستديم
مانموت ويومنا ما نتبعه
راح نزهق وين نجلس إو نقيم
وكل واحد يبتلش في موقعه
يعني ان الارض ضاقت يافهيم
وقتها تعرف مقابرها سعه
وتخيلوا مانشتكي من كل ضيم
دوم نظحك بالفرح وفمنبعه
الحزن هو والسعاده سيم سيم
ولاشكى عين القهر من مدمعه
بعدها نشتاق للحزن العتيم
لجل يقلب جونا او يقطعه
الثرى يضمى ويضمى لجل غيم
يعني لولا الغيم ماحد ٍ يشبعه
هب ياتنسيم صدري يالنسيم
يامذكر خاطري لاتخدعه
قبل إعرف إني إنا الشخص الحليم
قبل طيحتي هقوتي لو ارفعه
ذكرياتي لو يعايشها حكيم
كان ضاع ولاقدر وش يجمعه
وهمي أللي لوهبته للعقيم
ماذكر بانه يبي طفل معه
والذي بكتابه الف.لام ميم
لو قدرت امسك بجرحي وأخلعه
ذابت ايديني من الجرح العظيم
وذاب وجهي وذاب صدرواضلعه