عزيز نفس ,, - علي بن فرحان

يالله تقديني المبادي وتاتي علومي صحيح
وياتي الوفا لي فال والعليا معي متذاربه

من عادتي ما اشتكي لو الزمن معي شحيح
وما انكسر لو تاتي الدنيا علي مكاربه

اشوف عيني كاذبه تبغى الضحك معى المزيح
والقلب ينزف والجروح بداخله متضاربه

لاشان حظك والبشر تبغى العطا معى المديح
فالك معى اهل الطيب ماهو ماخذن ماشاربه

عزيز نفس وماعرف للذل قاع ولا سطيح
والي عوى في ظهر خصمه لاتبور الثاربه

والي يدور للعنا وفرحٍ ليا شاف القديح
لا تحن له لاقامت الدنيا ووقته باربه

افرح ليا شفت السعد واداوي القلب الجريح
ومادور الزله على غيري واٌزين الخاربه

القلب لو يكشف ستارٍ عن غطى قلبه يضيح
حب سرى به تالي الليل العسيم وداربه

شفقن على حلو الفعل وماطيح لو غيري يطيح
ومن حبني مره احبه حب ماقد ساربه

© 2024 - موقع الشعر