مات و الا حي

ارقصي يا بنت اوباما على انجاز ابوك
لأن بنت الابن بوش كم تشق هدومها

افرحي و استبشري مات بن لادن و جوك
المهنين لبلاد ابوك صدق علومها

ايه يالعبد الصليبي كلابك كم عطوك ؟
لجل تضحك عالعوالم و تقضي لزومها

مات و الا حي اهل العز ما جوك و رجوك
مسلم(ن) وأخطى وعند الله جمع خصومها

يطلع اوباما على وجه الصبح يعلن ضحوك
حن قتلنا اليوم بن لادن بحد حسومها

لأنه ارهابي و فجر في البلاد وفالبنوك
وحن نحارب من يضر بلادنا و شعوبها

بسألك اطفال غزة عساهم ارهبوك ؟
و نابلس و القدس شنت عليك هجومها ؟

و العراق وشعبها وسط بيتك حاربوك ؟
و قندهار احتلت امريكا بضرب رجومها ؟

و دار فور و أهلها من خرايطها محوك ؟
و بربرة بالقرن الافريقي رمتك سهومها ؟

لعن ابو هالوجه ياكم تلوك الهرج لوك
لكن الدنيا عطت آسادها لرخومها

انت قدرك عندنا يالعبد للحوكه تحوك
فرق ما بينك و بينه كالثرى و نجومها

مات و الا حي أهل العز ما جوك و رجوك
مسلم(ن) وأخطى وعند الله جمع خصومها