سهرة العشاق

يا حبيّبي سهرة العشآق ك السكره
اتمر لحظَه و هي سآعَه ورى سآعه

في وقتهآ كل جرح .. بداخلي وكره
غاب و صفى صدري (ا)من جروح ملتآعه

ماكان قلبي لاحد .. غير انت محتكره
سلّمتك احساس .. و الأشواق تبّاعه

و اليوم قلبي قبالك .. حالته نكره
ينلام منهو على راع الكذب بآعه

لو تشعر بقيمته .. اوجبت له شكره
ومن زود حبّه تقلّه .. سمعًا وطاعه

الحمد لله و قلبي طيّب ٍذكره
عايش .. و لو الزمن يلوي له ذراعه

هذا و بقول لك شي ٍ على فكره
كلّن على نيّته يسدل لك شراعه

مو بس قلبك قدر يتعامل ب مَكره
يخدعك قلبي لأنك .. طب لاوجاعه

تدري شسوّي اذا قلبك غدا مُكره
محسوب وقته .. و نفسي حيل طمّاعه

لا صرت جنبك .. ماودّي آصل ل بكره
لاجل اكسب الوقت معك .. اوقّف الساعه