دارج أيامك - مناحي بن سعد السبيعي

لا بلاك الله بعاقه من العالم خوي
الرخامه وسط وجهه مثل نار بأجا

لا توريه الزعل دام حظه منثوي
اتركه لابد يوماً بفعله يحرجا

احتمل ما جاك وادمح خطاته لو غوي
الصبر معه الفرج والولي لك يخرجا

خل بالك واسع ونظرتك نظرة سوي
لايهمك لا تأثر بشخصاً اعوجا

منزلك مع منزله ما يليق ويستوي
نابتٍ ساسه ردي والردى له منهجا

دارج ايامك معه لو في درباً منزوي
لين ربك يقلعه عن طريقك يدرجا

تكسب العليا وفيها محلك مستوي
شامخاً من جاك يسعد بوجهاً يبهجا

ومن ذكر هذاك ضامي يعود ما روي
تحبط آماله وحلمه ويبعد ما رجا

© 2024 - موقع الشعر