نطرد ورا الدنيا وكنا مقيمين - عبدالله بن لافي

نطرد ورا الدنيا وكنا مقيمين
وحنا في الدنيا سوات المسافر

نقبل على الدنيا خفاف وثقيلين
ومن همها سرنا نأكل الاظافر

نجمع من الدنيا كنوز وملايين
الدين مسلم والتفاكير كافر

ونزعل ليا جتنا نصيحه عن الدين
ونقول يالطيب ترا الرب غافر

بحدود ربي والسنن مستهينين
ولا جاء مجال الدين فالكل نافر

وان جاء الحكي عن خل ولا قريبين
شفت التكاتف كيف ويا التظافر

واحد يقول انه خسيس وقوي عين
واخر يقول اسمه خبير المخافر

واخر حلف انه تعدا الشياطين
والله ياقلبه من الخير قافر

يالله جنبني دروب الدنيين
واجعل من التقوى لي الحظ وافر

وجعل نصيبي من حياتي هو الدين
واللي حصله ماسبق ذاك ظافر

© 2023 - موقع الشعر