أول ترى مالك مع الناس داعي

اول ترى مالك مع الناس داعي
ومن بعد حبي صرت للناس مشهور

طالت عليه وانت بالصد ساعي
ملزوم اوضح كل ماكان مستور

توي عرفت انك تحاول ضياعي
وصديت عني لاجل انا اعيش مقهور

مالي على بعض الظروف استطاعي
مدام قلبك قاسي(ن) مابه شعور

انا خسرت اللي مضى باندفاعي
دايم اضمد (جرح الاحزان) ويثور

جاملت غدرك لكن الحلم ضاعي
مجبور اصحح غلطتي معك مجبور

كيف انتظر عطفك؟؟ وهذا وداعي
وشمس الحقيقه كلها زور في زور

لاتنتظر بعد الفراق اجتماعي
وحب(ن) حظنته داخل الصدر مقبور

تشرب بعد فرقاي سم الافاعي
هذا جزا اللي عاش دنياه مغرور

الشعر ذكرى والمواجع متاعي
والياتركت الشعر لاتقول : (ماجور)

اقولها مالك مع الناس داعي
مدام (خلي ) صار للناس مشهور

جميع الحقوق محفوظه للشاعر عادل غضيان الرشيدي