سلطآن الاقدار

لا لا تزيد الحمل فوق السفينه
وانت اللي من عامٍ لها كنت ربّآن

عآشت معاك بخير حب وسكينه
واليوم ودك تنتشلها بطوفآن !!

كانت صباح الطيب في ياسمينه
كانت مسآء الخير بالخير هتّآن

كآنت هنا تشتاق لا قيل وينه؟
كآنت هنآآك تفزز لو تسمع فلآن

كانت تموت بضحكته بين ايدينه
كانت تعيش الليل فرحه وتحنان

كانت تشوف النور طلة جبينه
لو كان جمع النور للبنت عنوان

كانت تعرف الجيم لابان سينه
وكانت تعااف النوم لو نام زعلاان

كانت تبيّن في عيونه رزينه
وكانت جنونه لابغى الحب بجنان

كانت تمننى قسوته كثر لينه
لانه عليها احن من كلمة انسان

كانت وكانت لو تمره حزينه
فرش لها قلبه وعينه لها اوطان

ويومه غدى السجآن واهي السجينه
والحب تهمه والمشاعر لها شان

حكم عليهآ بالتعب في سنينه
حكم عليها بالشقا : هم , حرمآن

شحّت يساره ثم شححت يمينه
وكانت هي الاقدار بالشح سلطآن

لاهو الذي قفّى وودّع ضنينه
ولاهو الذي اروى من الحب ظميان