ابشربنا ياسيدي عود وصبي - سعيد الرمضاني

ياراية التوحيد والعز المهاب
ياقبلة الاسلام يادار النبي

ان ماوقفنا دون راياتك حجاب
العز فينا لاجلسنا وش يبي

ياموطني جاور مراويح السحاب
حنا جنودك ياوطن لاتكربي

تطيح روس وتنحني عوج الرقاب
ورايت وطنا عاليه ماتقربي

الموت واحد والبنادم للتراب
امانعيش بعز والامانبي

حنا خلقنا الله كذا لامانهاب
مادامه الدين الحنيف المذهبي

لجل الوطن مانحسب حساب الصعاب
ناقف مواقيف الشجاع اليعربي

ولاإناماهوب يوم ويوم غاب
من العصور الي قبل جدي وابي

من يوم ابوتركي فتح للمجد باب
وحد شعوب المملكه ذاك الابي

واليوم في كفك يابومتعب نصاب
سيفن ليا سليت حدة يضربي

اليا دعيت الشعب صوتك له مجاب
ابشربنا ياسيدي عود وصبي

وان غرر الجاهل مناضيح السراب
وقامت هواجيس الجهالة تلعبي

كرامته من عندنا صوط العذاب
ونوردة عد الندامه يشربي

رحلت ذهاب (ن)مالها رجعه واياب
لان الغبي لوطالبه وقته غبي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر