الله يديم العز لا صارت قطر فوق السحاب
بْ فوزها لما زَوَت كل النجوم بْ بدرها
يوم إرفعت كل العروبة وافتحت ألفين باب
للعالمين اللي خذتهم بالحنان لْ صدرها
من قدّها؟ هي قدّها .. هي نور عيني والهداب
حتى النجوم اللي ضَوَت لو تلتمع : من فخرها
دمعة فرح سالت على حبّ الأوادم والهضاب
عّنابيٍ يصبغ حِمَى من برّها لى بحرها
كل الشعوب الحاضره , كِلْها إلى يوم الحساب
تشهد على مجدٍ وصل بايدٍ سعت لى نصرها
كدّت سنين اطوالِ ما ترضى لمخلوقٍ تهاب
ترقى على هام السحب تزهى أمان بْ طهرها
وتْعزّز ألوان الثبات بْ ساحةٍ فيها نصاب
أغلى من أغلى شي ما تلقى مثيل لْ قدْرها
توصل ولو تكثر كثير اسهام من قوس الصعاب
تقدر على كل شي تبي حتى توفّي نذرها
يكفي بِأَن دستورها قائم على شرع الكتاب
يكفي بِأنّ الشعب ما يرضخ لواطي جحرها
يمشي ثقه , ما هزّته ريحٍ ولا غرّه سراب
ينصاع من قلبه لها كله تحت كل أمرها
الله لا يحرم قطر عزٍ بها سامي وطاب
تنخو على كل الدرر هي ماسةٍ في نحرها!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.