أسرار العهد - عبدالله بن أحمد

أنته حبيبي دون كل المخاليق
يا روح روحي يا أمل كل روحي

قلبي يحبك حب ولحبك آطيق
يا كامل بزينك وشوقي وطموحي

في جيتك آسلى عن الهم و الضيق
في روحتك يا زين دمي يفوحي

علقتني بالحب يا زين تعليق
ألطف بحالي لا تزود جروحي

أنظر عيوني يا حبيبي مشافيق
ودها بشوفك كان قلبك سموحي

أركظ ورا حبك ,انا ناشف الريق
عطشان لا ينهد صرحي بجموحي

صحيح أن الحب فيه التغاريق
أشوف راعي الحب دايم ينوحي

الحب أمانه فيه عهد ومواثيق
واللي يخون العهد سره يبوحي

وشلون بعد الحب يا زين تفريق
عذبتني بالحب وعني تروحي

خلنا سوا نمشي في درب التوافيق
ويزيل همي ويتجدد فروحي

يا زين ما في القلب قلته بتصديق
واقولها مخلص حبيباً نصوحي

© 2023 - موقع الشعر