ثلاث

ماني بطلّابة غلا أو قدر أو حتى احترام
الله عطاني هالثلاث وصاغهم فيني كِذا
 
إن جيتهم أعطيتهم وجهي وقلتلهم سلام
وان قرّبوا منّي فلا ينتابهم منّي أذى
 
إليا حكى منهم أحد أسمع واركّز بالكلام
وَلْيا سأل منهم أحد جاوبتهم بَقْصَر
- - - - - - - - - - - - - - - - - - مدى
 
عّدى جوابي مسمعه / ما حسّ من طوله ملل
 
...
 
لو يطلبوا مني عطا / ما جيتهم أسأل علام؟
أعطي ولا اسأل مقابل هالعطا حِلّه / لِذا ..
 
يدري غريمي لو يطول الوقت ما يسمع ملام
يرتاح باله .. ما يخاف إنه حَكِي هذا وذا
 
ما يستغلني أي أحد / ماني أبد سهل المرام
عندي حَدَس .. في مقصده .. من قبل يبديني
- - - - - - - - - - - - - - - - - - - - - - بدا
 
ودّى وجاب العيد باسلوبه ولا صاده كلل
 
...
 
أسمع ضِحِكْهُم : أبتسم / واحسن معامَلْةَ الغُلام
واسكت إذا جاني كلامٍ من سفيهٍ بي هذى
 
أعشق تواضعنا واحسّ العزّ في دمّي لزام
أسعى لهم بَاصْدَق مديحي .. واترك فبُعدي شذى
 
أنصح ولا أبدا نصيحة ب( الألف من بعد لام )
واحبّ لحظات الهدوء اللي اتّأمَّل في
- - - - - - - - - - - - - - - - - - - هُدى
 
بدّى على كلّ الخلايق قدوتي صبر وْأمل