لو كان شكلي كنّي من الشام والا تركيا
ايه ابدوي ربيت فالخيمه وفي بيت الشعر
ايه ابدوي وافخر وحنا البدو حنا الاسويا
نعم الرجال اللي لنا قيمه ومقدار وفخر
ايه ابدوي عشرة سنين من التعب ومن العيا
وانا ليا بعّدت رجلي شوك تآطى بي حجر
ذقنا من الدنيا قساوه لين صرنا الاقويا
ومنها كسبنا اسم البدو والعالم الباقي حظر
عشنا تحيط ابنا الجبال اللي تجي سواسيا
وتحجب جميع الناس عنّا ما يخالطنا بشر
عاداتنا عاداتنا سلم الجدود الاوفيا
العيب عيب ونفعل الطيّب ولانبغى شكر
نفرح بذعذاع الصباح ونفرح بطريا الحيا
ومعناتها يالحظر غيمه تمشي وينزل مطر
ويعطّر الزهر الروابي بعد سيل الاوديا
جمال مايحصره كراس انتهى يا للقهر
واضحيت يضحك بي طروش البحر من شرق آسيا
يآ لعنبو دنيا المدينه والتحظّر والخكر
وش عاد تسوى العيشه ولا لي فالجيل اخويا
غريب فكر وويش اسوي ما من الغربه مفر
وانتي كذا يآحيف خليتيني انادي لك بيا وأيا
هذي سنه وشوي غبتي والخبر نفس الخبر
واليوم انا قلبي خلي شاعر مع الاغآنيا
اسجّ وابكي ماشكيت اعرف من الله وقدر
واليوم انا شاعر كبير انشر محبتنا ريا
بأبيات تكتب باختصار وتظهر بدر القحطاني بحر
في منتدى يجمع ما بين الاوفيا والاشقيا
والمفترض ما احط نفسي جنب قصّار البصر
انت اسمع انت اسمع ترى باغه وسيارة كيا
ثقيل دم وطايحه نفسك وأنا راكب همر
وطزّين ماهو طزّ واحد في بنات ابلا حيا
اصلا من اللي يعشق من النت ما عنده نظر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين