شكرا لقلبي على حسن الضيافه

كيف ترحل عن حياتي ياجنونك
وين ابلقى مثل قلبك وارتجافه
:
ماهقيت تشّح وانا اطلب مزونك
ضل صدر الشوق يستأحش جفافه
:
انثنت في وجهي الشاحب غصونك
والسهر م اعلن عن العين انصرافه
:
هو كذا ترحل وتترك لي طعونك , ؟
شكراَ ل قلبي على ( حسن الضيافه )
:
يوم ابي وصلك تبعت اردى ضنونك
وانت ذنب اصعب على البعد اقترافه
:
ماخذيت من البعاد الا سكونك
وماجنيت من العتاب الا الكلافه
:
كل ماتعزف لي الفرقى لحونك
مقبل معاتب مقفيهّا ب حسافه
:
يوم عذالي عليّ يعايدونك
جيت اعايد حبك ب ليلة زفافه
:
كيف ابتخيل صباحاتي بدونك
صوتك الدافي وكوبك وارتشافه
:
شوفني بعدك غريب ب وسط كونك
وان ذكرتك قلت ياطوول المسافه
:
قلت لك من قبل لاترحل عيونك
انت اول شخص بالدنيا أخافه