مرحبا بك يآ (بو متعب ) سيدي - عبدالله حويتان

اليوم إبي انحت صخر وأغرف بحر وأقطف من الشعر الورود
وأكتب شعر يرقى معزه مع فخر قمة وفوق المجد تاج

نبراس عز الشعر يفخر بالتنومس بك يغني جزل قاف بريح عود
يا عود لا والله ياطود العز ياسحب المفاخر بالمكارم راج

يا شاهوق المراجل بالفعول البيض يا راس العلا ذخر السعود
ياوجهة المضهود الأولى واليتامى والفقارى والمقيم اللاج

خادم البيت الشريف أطهر بقاع الأرض لن كانت بتمويل وجهود
من توسعه ولا سدود الما وحفظ حقوقها والسعي في راحات حاج

مخطي منادي لك بإنك صقرها وأعنا الجزيره لو تنادي لك وفود
والا الحقيقه بإنك أنت أرجاء الجزيره والمطر والفرح مع نور السراج

أنت العمود الأولي مسند ظهرها محتزم بالدين في وجه الجحود
سيّد ثراها والثريا مالك قلوب الشعوب الوافيه بحق انتهاج

يالقايد المالك لشعبك من محبتهم ملكت قلوبهم دون الحدود
من غربها لاشرقها ومن الجنوب الى شمال المملكة لك بإزدواج

ياصاطي الراس العلي يا عالي الفكر الحكيم اللي ما يبغاله شهود
لو العدو يشهد بذلك من قبل صاحب وبعد فعول تاتي بالنتاج

يالكريم اللي كرم حاتم مايذكر في وجودك لو وجودك منك جود
شوف شعبك رحبوا بك وأفرحولك وأطلقواْ في جيتك كل الحجاج

وتعانقواْ في جيتك شرق الخليج اليعربي مع غرب الأحمر في صمود
وأنت غايب يذرفون الدمع مع دعواتهم لك بالشفالك والعلاج

وإتبسمت شبه الجزيره بالبحار وبالصحاري من هضاب ومن نفود
وقامت تغني هبوبه مرحبابك يابو متعب سيدي والشعر هاج

© 2023 - موقع الشعر