يا لبيك انت لا تزعل

نجدد في سوالفنا
وحنا من زمن قاسين
نحاول بس نتعارف عسى ذاك الزعل يرحل
 
علام الفرح هاجرنا
ومعظم وقتنا لاهين
وش اللي غير الماضي وخلى هالزمن يجهل
 
بأي النار حارقنا
قهر ساكن وسط قلبين
تحياتي إلى عينٍ تغيب ولا بعد تقبل
 
حرام البعد ذابحنا
وقسوة وجدنا مَتلين
وأحلامي صحت فالليل وغمضاتي أنا تذبل
 
يابوي إرحم خواطرنا
وحاول تجبر الباقين
وسامح .. ربنا يسامح ترى نبضي بدا ينحل
 
أنا أرجوك .. عاتبنا
ولا تسكت .. كذا لسنين
بتتشمّت بنا واحنا غدى هجراننا مَسْهَل
 
ولا حتى تقابلنا
ولا قلنا معاً حرفين
أنا كلي رجا وانته يا لبييييييك انت لا تزعل
 
تعال بشوق يجمعنا
أنا كلي رضا يا زين
أنا ادري قلبك الطيب صفى أصفى من الأول
 
ولا ترضيك حالتنا
وراح آجي إلك .. وتجين
أحبك داخل فيدّك وأقبل راسك الأمثل
 
وثم ترجع بساطتنا
ودعواتك ... مع الآمين
- يارب ترضى عن عيالي ويا رب تحفظه أطول !