دمعات عيني

دمعات عيني يا حبيبي قامت تهل ..
يومي تذكرت الوداع و تذكرت السفر
سقيت ريق الصبر وعيا يبل ..
ظامي مشاعر قبل ظامي صبر
البوح في دنيتي ما يلقى محل ..
والضيق خاواني من عهد الصغر
لا تحسب ان البوح مجموعة جمل ..
متوازنة مترابطه على قمة سطر
لا صار شهيقك هم وشهو العمل ..
لو تزفر البوح ما يرتاح الصدر
من طاري السفره قلبي نحل ..
وقمت اهذري وانت ماعندك خبر
دلتي هيلها على جرحي يهل ..
وفنجالها لو فيه هم منك يسر
شفني اهذري من زود الملل ..
احاول انسى بس وين المفر
الوقت ثابت لو ب الساعه خلل ..
كن العقارب ترمي على الجمر
الخوف مو من دمعتي لاقامت تهل ..
والخوف مو من وداعك والسفر
الخوف مايشع (الصبر) شمعة امل ..
ثقيلة فاقدك وفاقد معاك الصبر