مصطلح تقدير

الناس ثاني وانت بعيوني (الأول) ..
كلمة قلتها مبطي من غير تفسير
اتعبتني في وصالك و ازريت اتحمل ..
تعبت وانا افهمك مصطلح تقدير
اصبحك (مرحبا) وامسيك (امر تدلل)
وانت صبح ومسا ( كثرة معاذير )
يا قلب نزف المشاعر علينا تخلل ..
حتى الحزن اخذ من صدمتي تأثير
من صدمتي قلبي ذاب و تحلل ..
لكن الروح تبقى وليف المسايير
اسئلة تدور بخاطري بس ما اسأل
كتمت الاجابه ودسيتها تحت المقادير
يالي تدور الفرحة في عيوني تأمل
تلقى بدموعي فرحة .. من نوع غير
امطرت وقلبي في همومه تبلل
ما فاد شكوى ولاقولة (توك اصغير)
مره اقول .. يمكن زماني تحول
ومره .. ادرجها على مصطلح تحذير
بعد كل هذا ..! تقول تبي ترحل
الله يسهل خطوتك ل ديرة الخير
لكن اذا جيتني ماتلقاني الاول
كل السبب .. جهلك مصطلح تقدير