يومي بدونك اكرهه - خلود الهاجري

يومي بدونك اكرهه والبعد طال
تكفى تعال الجو دونك خنقني

يكفي جفا منك ويكفيني اهمال
وفي غيبتك كل الهموم عشقتني

والوقت دونك ياهوى الروح قتال
لملمني بفتره وفجأه نثرني

واصبحت تايه واطلب الهجر ووصال
ولا ادري وش اللي تطلب الناس مني

بس الاكيد ان حبَك على البال
وشوفة عيونك تبعد الهم عني

ونبرات صوتك لا انتقل عبر جوال
مدري تكلم او اظنك تغني

عذبتني بالصوت حتى انبرى الحال
وجرحتني بالعين ورمشك قتلني

واسمي واسمك كلها تنتهي بدال
واعشق حروفك كلها فاتنتني

عشقت قبل اشوف والعشق قتال
وشفتك وزاد العشق وماخاب ظني

واللي يشوفك غصب بيجر موال
ويتغزل بعينك ويعيد ويوني

اعشق عيونك عشق ممزوج بهبال
ومااغير رمشك ياحبيبي هبلني

لاشفت عمي قلتله اهلين ياخال
خذيت عقلي ياريش العين مني

وفي غيبتك ياسيدي المح ازوال
وهذا حفر قبري وهذا دفني

تكفى تعال الدمع في غيبتك سال
واشتقت لك والشوق زاد وذبحني

© 2022 - موقع الشعر