العزف المثنّى

من يقول اني عصيتك ؟ من تحدى بالرهان؟
ما عصيتك .. بس هويتك يا بعد عمري انا

هو انا يومي عطيتك قلبي الصافي حنان
ثم رفضت اللي طلبته .. يعني فرّق شملنا ؟

شرطك الواضح حبيبي ما يغير هالجنان!
رفضي الصارخ حياتي ما يدمر عهدنا..!

اعشقك .. تسكن سنيني لا طريتك بالامان
اشهقك .. تعتب ضلوعي ان زفرت انفاسنا

قمة احساسي تناجي هيبتك يا ذا العنان
قلبي الواسع حبيبي تسكنه وحدك هنا..!

خوفي الخافي فضحني مع تناهيد الزمان
خفت لا تنسى خفوقي وسط رمضا حرنا

حبت عروقي عروقن نبضها عزف الكمان
تقلب (العزف المثنى) لين (مفرد بعدنا)

حرب ما بيني وبينك ..سلمها كله دخان
صلحنا بيدك وحنا دربنا درب العنا!!!