ايه اعترف لك مابقا شي يسوه
لا الحب يسوى ولا الاوادم يكفون
شفني ثلاث شهور منك اتلوه
ولاغير وجناتي بدمعي يحسون
عطشان من فرقاك ياكيف بروه
بالهون يانهر الملذات بالهون
واذا الجفا صورلك الحب بلوه
قل للعواطف ليه مني يضيعون
ياغربة الافكار هل لي بنجوه
تمحي سواد الليل والسر مكنون
هايم شجي ماله بفرقاك سلوه
خلا العزا والموت واللي يعزون
وقايم يتهيجن بالقصيد المموه
ثلثين من شعره متيم ومجنون
يااهل العشق برفع قضية ودعوه
على جهاهيل المحبه ولايهون
اللي تعداني ولاذاق قهوة
من دلةٍ بهرتها عشق مطحون
غروٍ سلبني ياعسا الروح فدوه
لعيون ماشفت بحلاها ولاعيون
اعشق جنوني فيه والشوق اغوه
شيطانها حتى تشيطنت بلحون
اهديتها كل المشاريب عنوه
ونا العطش فيني غدا كنز مسجون
والله لو ان الحب يناس عدوه
لعدي به الحساد وابليس ملعون
ناسٍ على اعراض الاوادم تفوه
ياعلهم للنار من خالق الكون
حول الصفا والبيت يافلان مروه
مريتها والروح تشعر بطاعون
وشربت من زمزم شفاك المحلوه
وصدرت عنك والمشاعر يلبون
لوللبشر يامعذبي فيك شهوه
انا اشتهيت الموت في داخل النون
تعال خليني عليك اتلوه
الناس من حبي وحبك يخافون
يقلون مجنون ومتيم بنزوة
واقول عاشقها طبيعي ومفتون
هذي قصيدة حب بشفاه غنوه
هذي مسافه شاعريه بطبلون
ماهي بحلوه تسوى مليون حلوه
ترضون ولاجعلكم ماتعيشون
طبلونها شعرالعتيبي وجوه
وشريط ابونوره مهما يقولون !!
بيني وبين الموت بالحب خطوه
ماودي امشيها ونا منك محزون
باقي على براد الاشواق غلوه
وتشوف مني طرق وافي ولعبون
وتروي الخفوق اللي بكى ماتروه
بحق الحجيج اللي بمكه يحجون

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين