حكم الشريعه - سعيد الرمضاني

انت يامالك خيالي وسارقني خفوق
ماتخاف الله في المسلمين تبوقها

تسرق عقول الاوادم ماتطلبهم حقوق
تحسب ان الناس تسكت بدون حقوقها

والله ان حكم الشريعه قطع يمنى السروق
بس في حكم المحبه مثل فاروقها

والدليل اني اجيلك وانا الصدر مخنوق
وعندي اني حجتي لك تلوح بروقها

بس لاشفتك يضيع الغروب من الشروق
لين اعود حجتي لك مابان شروقها

والله ان كنك من الطين مانته بمخلوق
جل شانه فارق الخلق يامخلوقها

انت عن وصف المشاعر جمالك فوق فوق
لو جمال الناس عبله جمالك فوقها

وانت لاهاضت هجوس المشاعر بالطروق
استدارة موجة الفكر لك بطروقها

بس تكفى لاتخلي صويبك فيه عوق
لاتخليني مابين الجروح وعوقها

انت تدري فاقد الشي بالصدر محروق
لاتخلي مقسمي في الحياة حروقها

والله ان قطع المواصل مثل قطع العروق
والنهاية في مصير الحياة عروقها

والله ان ماكل من يسرق العالم سروق
بعض سرقات الاوادم سبب مسروقها

© 2024 - موقع الشعر