النــيّــتين الطباين

النيّتين اللي طباين تعاقد
خيّالها حذرا يضيّع رسنها
 
 
بالسوء تنوي فوق حمر المواقد
والموت يرقب زلّتك يحتضنها
 
 
نار الجحيم اللي سعرها تواقد
يا نيّتي وش فيك تنسين منها
 
 
تخشين ناسٍ بين ناقم وناقد
والناس والله ما يجمّل حسنها
 
 
يكفيك ربّك من شرور الحواقد
ما دمت عن شرّ الهواجيس تنهى
 
 
والطيّب ما تلقاه من دون فاقد
خير الرجال اللي يحسب ثمنها
 
 
لا بدّ من صبر يفكّ العواقد
كسبان من هو في حياته وزنها
 
 
واللي يشاور حاملين المناقد
يلحقه منهم نارها أو عفنها
 
 
راس الكلام العزّ ما هو لراقد
العزّ حاله للذي يفتطنها
 
 
من طاع نفسه سوّلتله بلا قد
واللي فهم يحتاط منها وعنها