ظلم الحظوظ !

اللي حَضَنّي وَسْطُهُم .. "داجي بكاي"
وحزن السنين اليافِعَة / من طُفُولَة!

مافرَّقوا من دمعتي لون "حِنَّاي"
ولا برّقوا..بي.. خايفه/ أو خجوله!!

ماقصَّروا/في خيرهم نِلْت مَشْهاي
مَلْبَس / و مِحبَس / و الدَّلال .. و اصوله

منهم .. وَرثت .. أغلى البلاغات .. ب إحكاي
ومعهم عرفت .. منُومِسات .. المَقُولَه

هم عاملوني .. ب الترف .. زَيّ.. أشياي
ولا قلت .. شَيٍّ .. كَبَّروا .. و .. ضحَكَوا له

وتكبر سنيني .. و ينقتل "عُمْر" .. ب أحشاي
ولازلت .."طفله".. في عيون الحَمُوله!

"عشرين" عمري ساقها .. صمت ممشاي
وبضعٍ بعَدها .. روّضَت بي .. جفولة!!

في طيبهم/من طيبهم..ضاع مشكاي
وشلون اصرّح والحمايا ..جهولة!!

إن طالبوني ب "الفرح" طحت مِنْ داي
و.. عند .. الله الواحد .. شُهُود "المَهَولة"!

للموت .. اطالب/ طالِب القُرب .. ب إعفاي
وللموت احايل "سَجّتي" / ب..العمولة!!

احدٍ قتلني .. "غِرِّةٍ" .. وَسط ظلماي
وأحدٍ ب احِدّه .. لإكتساب البطولة!!

لا الذنب ذنبي // .. ولا إغتيالات دنياي
حزنٍ ب تمحيه السنين .. ب سُهولة!!!

لو ظَهَّر الله .. ل اكثَر الخَلْق حسناي
عيني "تعامَت" .. عن مظاهِر قُبُوله

سُمُوح وَجْه / و (شايلٍ داي ب إرداي)!
"الملك مُلْكِي" ..والثمَر .. مااطوله

جاز .."القصيد" وغَطرَف الليل.. ل "النَّاي"
ودمع .. القصايد .. روّضَنِّي .. خيوله

صدرك زبَنته .. يالكتابات ب..إفضاي
مَيِّت ..ب امارِس مع فراغي/ميوله!

وإلا الزمن .. يبطي ..على عَظم .. بَلواي
وادري .. نصايب فرحتي .. من حلوله

وغِرَّات..وقتي..والتّفجَّاع..ب إمضاي:
"(ظلْم الحظوظ) الخالية من رجُولة"!