مسموح حتى ترضـّـى - حسام مرزوق

البارحه وشلون يمك تعديت
يومي طلعت ونيتي آتقضّى

حدتني الذكرى لبابك وحنيت
كن الضواري في ضلوعي تجضى

وغضيت طرفي والبلا حين غضيت
طرفي ببابك رافض انه يغضا

ليتك تشوف بصدك اشلون سويت
جفني بدمع العين بعدك توضى

ما اقول منك ماحصل يوم صديت
لكن اقول الحظ فينا تحضا

كانك نسيت الله ماقد تناسيت
مركب توسل لك وموجك يخضا

كل ماذكرتك جر قلبي التناهيت
والنوم من عيني تجافا وقضى

وافضى اوقاتي ولو ماتفضيت
ليتك ولو مره عشاني تفضا

مسموح حتى
مسموح حتى ترضّى

باقي مكانك في ضلوعي ولك بيت
والشوق باقي لك وناره تلظى

© 2024 - موقع الشعر