(عظيم الجرح اصبح طبيبي) - حسام مرزوق

لا تذبحيني في غيابك وانا حي..!!
والا اذبحيني في حضورك وغيبي..!!

ولافيه فرق ٍ بين هذي ولا ذي
احلاهن اللي مرّها شق جيبي

امسي بشي ٍ لي .. واصبح مهو لي
حتى نصيبي ..ما احسّه نصيبي

يوم المحبه جات منّك ولا شي
ماعاد بسأل وين كلمة حبيبي

آخر دوى بالكي.. ومْفارقك كي
يعني (عظيم الجرح اصبح طبيبي)

والا الغلا الماضي ليامن خذا شوي؟؟
يموت في قلبي ليا بان شيبي

وعن ضي ذكرى الغي دورت لي في
وعن في ذكرى الغي ضوّى قليبي

لكن بحشّم سيرتك .. لو مهي بي
شفتي بعد فرقاك وش كثر طيبي!!!!!

يكفي نحيبي لاذكرتك وانا حي
ازريت عن كتمه .. ويكفي نحيبي

© 2024 - موقع الشعر