ساعة المغرب - حسام مرزوق

يعيش الحزن في جوفي .. معي يكبر وأنا اصغر
ويسكن في زوايا القلب ما يشعر..
بحبٍ سابح بعيني
يعنيني ولا يقدر ... يقدّر بسمة سنيني
 
وأضمه حيل بأهدابي
وأتناساك وأتذكر
وأناديك بدجى ليلي
قمر مسكنك قنديلي
لأنك أنتي الأطهر
ولأني صادق بحبي ..!!
 
صعب أنكر أو أتنكر
 
ولا أنكر غيابي لك
 
لأنه..؟ كان بظروفك
ووصلك داخل ظروفك
وعذرك ترجمه شوفك
بلاش تلوم حبي لك
تراني منك اشكي لك
ويكفي كل ماجيلك
يزيد الهم تلويعك
تسافر قبل توديعك
قبل شوقي لك يجمر
ولا أتذمر ...
 
وأسافر..!!
 
بس ما أدري
أمد من الأمل جسري
بنهر من الألم يجري
ولكن وين ....؟؟؟
ما أدري .!!
 
أسافر منك وابعد
وابعد كلما تبعد .. وأقعد لو تبي تصعد .. واصعد لو تبي تقعد
 
على بالي ...؟؟ // كذا أسعد .. كذا ابعد
كذا ما يلتقي يمي.. طرف يمك
 
 
وأثاااري هالسفر يمك
 
ودمي خالطه دمك
ألمّك قبل ما ضمك
أشمك ورد بكفوفي
واتنثر على كمك مثل رشة عطر وافي جمع في غرشته همك
 
وهمي ..؟
 
وهمي زاده المغرب
حزينه ساعة المغرب
تموت الشمس ما تبقى
تشابه خطوة الفرقى
بها عين الوله غرقى
لها قلب الحزن يطرب
كئيبة ساعة المغرب
غريبة لكن الأغرب
تطيح الشمس ماترقى
ومن دمعي تبي تشرب
غريبه.....!!
 
غريبه .. غريبه
 
غريبه لكن الأغرب ..!!
غرامك شقق ضلوعي
محلل حرمة دموعي
وطفى دافي شموعي
نسى ترنيمة جذوعي
ومع هذا .. أيا هذا ..؟؟
 
غرامك صعب يتغيّر
 
أضمه حيل بأهدابي
وأتناساك واتذكر
واناديك بدجى ليلي
قمر تضوي وتضوي لي
اسولف بك على طيوفك
الين الدمع يومي لي ..// واكفه في مناديلي ... واتبوسم
لأني صادق بحبي ..// لأنك أنتي الأطهر ...!!
صعب أنساك وأتنكر
صعب أنساك وأتنكر
© 2024 - موقع الشعر