رزقي على الله واتكالي على الله
مدامني عايش ومؤمن بالاقدار
شاعرواعقد الحبل واقدر احله
وارقى بشعري مانحدربه وينهار
ماقلت انا معصوم عن كل زله
اصيب واخطي والتجارب لي انوار
اقدم الافضل بحسب الادله
وارضي مسامع معجبيني وشعار
واقول للمغرور يمسك محله
حذرى يتطاول مع طويلين الاشبار
واعلم الجاهل بجهله لعله
يفهم ويسلم من متاهات واخطار
يزعل مايزعل يدرك الصح عقله
كانه يعاند يضرب الراس بجدار
يمكن على شان الفرح ماإكتمل له
مابين كره الناس والياس محتار
مدحي لنفسي ماعتقد فيه خله
شعري ليامنه سطع يبهر انظار
يصعب علي اوصله للمذله
يسهل على احط له خير مقدار
متفوق ولي الشرف واستحله
والصدق مايخفى لو الضلم جبار
اقنعت غيري باني الدرب ادله
وارمي العيوب المزعجه رمي الاحجار
بنيت صرح المجد واشقيت لجله
عيني وعقلي وارتياحي والافكار
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.