لحن المحبين

دامك سالت وقلت لي وش تمنّا
غيرك فلا حي ٍ عشقت وتمنيت

مهما الظروف اللي قست فرقنّا
تبقا بقلبي من هويته وحبيت

هذا الوفا مخلوق فينا ومنّا
يامن على قلبي البريء استحلّيت

كل ماتغيب اتذكرك يوم كنّا
باوّل مكان ٍ لي معك به تلاقيت

غنّا زماني .. والشعر فيك غنّا
وانا على لحن المحبين غنّيت

مشاعري .. وانا بهواك انفتنّا
ياليت معك العمر اقضيه / ياليت

الوصل لا .. لا تقطعه منك عنّا
بعدك من دلال المواجع تقهويت

ادري بهوانا كم يعاند زمنّا
لكن بقلبي باقي ٍ لوّك ابطيت