هلا والف هلا باللي لهم عندي غلا ومنزال
محبتهم من طيبتهم بوسط القلب مكنوزه
من اعماقي لهم ودي عند الحل والترحال
ونعم الخوة السنعه ومعرفتهم ترى فوزه
يقولون العرب دور في الاقفى وفي الأقبال
رفيقٍ لك على عسر الليالي غالي روزه
الى منك بغيته شفت مايطرب عليك البال
والى منك زهمته حاضر مابين انشوزه
واناخاويت من ترفع له الرايات والأمثال
قديماً اسمع بذكره قبل خوته واحوزه
سلام الله عليه عداد ماهل المطر همال
وماهبت مراويح الشمالي وخالفت طوزه
نصيحه لاتخاوي كون طيب الذكر والأفعال
وكب اللاش في مثواه مع شلته وعفوزه
تسمعها من مجرب واحذر تبني الأمال
ويخطي التابع المضراب اذا منه خطى بوزه
كثير الفرق بين اللي ردي اساس مهما نال
وبين اللي المراجل عندهم ماهي بمهزوزه
صحيح الفعل ماهو ينتساوى بكثرة الأقوال
يكون انها تساوى ضربة الرجال والهوزه
ودايم عادتي ماهثم هل الطالات من الابطال
والا الرديان لابوهم لهم علمان مرزوزه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين