سلط على المجمول

لـ منصور الوذين المري، ، في غير مُحدد، 822، آخر تحديث

سلط على المجمول - منصور الوذين المري

سلط على المجمول ماكثر بلاويه
حتى لو اني تاركه في سبيله

اسهر بليلي لين مالصبح يخفيه
والقلب تقفي افكار وتجي له

للقلب نيه والقدم دوم تمشيه
ماهو على كيفي ولا فيه حيله

إذا ذكرته ودي اطير واجيه
واخذ معه واعطي ولو بتعليله

طبعه غريب نوب مافيه تشبيه
اتعب وانا ادور ولا القى بديله

احاول ادله وعوق القلب مخفيه
وانسى وارد اقول ياحبني له

ياحض من يجلس امامه يحاكيه
حل لبعضهم بالعقود الثقيله

أي والله اعزه واعزه ثم اغليه
حسبي على منهو سعى بفرقتي له

لوني اعرفه كان باغزيه واتيه
واعلن بحربي له معاها تهليله

قولولمن كان السبب في تماديه
دوراتها تاتي عليه وتجي له

ولوتسألوني ليه وشبك تطريه
اقول كثرة هرجكم وش حصيله

زبدة كلامي كان تبغون ياهيه
الله يجمع كل خل وخليله

© 2024 - موقع الشعر