يالجادل

لـ ، ، في غير مُحدد

وين انت ياللي لك القلب ملهوف
ياللي بصوتك ينجلي همي الحين
يالجادل اللي ما تبي اية وصوف
ياللي بزينك صرت سيد المزايين
مبسم وقد وطول عيون وردوف
شي(ن) خيالي والخيالي معك وين
لا يا بعد حصه مع ريم مع نوف
لا يا بعد وضحى ونوره ونادين
من بعدكم حالي غدا حيل متلوف
وصارت همومي تنحسب بالملايين
الهم والاوجاع والضيق والخوف
صاروا ضيوفي والمعزب مسيكين
ما غير يصفق يده كفوف بكفوف
ويجلس ينادي ليت يلقى ملبين
راحت لغيري وانا عيوني تشوف
وانا اتحرى جيته ستة سنين
صارت حلال الغير بشهود وحلوف
وما عاد تقبل بالقسيمه على اثنين
ياليتني ميت ولا بعيني اشوف
اللي بغيته راح مع الغير مقفين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين