باهي الطله

جيته الملم جروح الوقت بعناقه
لقيت به من فراقي جاير العله

ياما ضميته شراب ..وحلم مشتاقه
اتخيله في حنايا الروح وآصل له

واشرح غرابيل بعده ..جاير فراقه
وياماخفوقي تحرى باهي الطله

يا بري حالي على شكواه باوراقه
ويا ويل حالٍ براه الحاسد بغله

لاصاغ جزل المعاني ضاعت الطاقه
حسيت حر الهجير وبت في ظله

يا سيدي لك حروف الشعرمنساقه
يامن تربع بعرش القلب واحتله

لا.. لا تعاني هجير البعد وإحراقه
مادام نبع الهوى جاكم على حله

يا طب قلب سكنت بداخل اعماقه
ويا شوق عين تعاف النوم وتمله

يكفيني انك دوى جرحي وترياقه
ولاشفت زولك كبير همومي تشله