عدل كتابك قبل موتك - وليد الوصيف

لما بشوف مدنا المساجد
وأما أسمع صوت الأذان
ولا أشوف طفل ساجد
في مسجد أو في أي مكان
دموعي تنزل غصب عني
وأدعي وقول يارب أكرمني
وبحق صوت الأذان
ثبتني ع الإسلام
***************
أجمل صورة في الحياة
طفل ساجد علي التراب
ينادي ربه ويترجاه
أرحمني يارب من العذاب
صورة هزت كياني كله
خلتني أشيل الطفل وقوله
إدعيلي أنا حاسس منك
الدعوة راح تستجاب
**************
أنت يا أب وأنتي يا أم
علموا دايماً الأطفال
أن محمد و الإسلام
هما أهم ما ف المشوار
وإن الدنيا بجد جميلة
لكن الجنة أحله وأحله
وإن العمر ساعاته قليلة
وما فيش خلد غير ف الآخرة
***************
واحده فى مسجد لبسه حجاب
وواحدة ترقص ديسكو وراب
وهى الدنيا بشر ودياب
لكن الآخرة فيها كتاب
فيه الركعة وفيه الرقصة
وفيه متحدد لينا حساب
ما فهش مزايدة ما فهش منقصه
ما فهش وساطة ولا حُساب
***************
عدل كتابك قبل موتك
الدنيا فرصة تعديل
فى الآخرة لا ها تسمع صوتك
ولا غيرك عنك ها يشيل
أدعي إن الفرصة ما تفوتك
وأسجد فى الليل الطويل
أدعي بقلبك بصمتك بصوتك
الحمل ما يكنش تقيل
© 2024 - موقع الشعر