سلامة سلطان

1 أنا لك من رجالك يابلاد الخير واهل الخير
وانا اللي ضمني حضنك وحبك مالك فوادي

2 تحت ظل اليمين اللي تدير وتحسن التدبير
تباهي وافخري في قايد الامجاد يابلادي

3 يابو متعب حماك اللي حباك العز والتقدير
وحنى عن وطنا حد سيف وطلقة زنادي

4 ولانا للوطن دايم عهد مايقبل التغيير
وانا اجدد مواثيقي واجدد عهد الاجدادي

5 وانا اللي في ضميري مثل غيري بالغ التأثير
وعن طيب المنام ولذته يحداني الحادي

6 أناظر عودة اللي يستنير به الوطن ويجير
عضيد الحر نسل الحر من ميكار الامجادي

7 يابو خالد غلاتك عند شعبك بالعروق تسير
ومرجاعك لنا طيب نعده عيد الاعيادي

8 ياسلطان السخا ياسيدي ياقاتل التعسير
ونهر الجود ينبع من يدك ويبل الاكبادي

9 وطيبك مضرب الأمثال غنى فيه حتى الطير
حكيم القول زين فعول حد السيف للعادي

10 كبير السن يدعي لك ويدعي لك غرير صغير
غريرً مات ابوه وصرت ابوه وعون وانجادي

11 هذا غير المعاق اللي دموعه بالجفون تحير
كسيته طال عمرك بالسرور ثيابً جدادي

12 ولا ننسى الرقاب اللي سعيت لعتقها ياامير
عوضها نور بالدنيا ويوم العرض يزدادي

13 بغيت ازيد واعدد فعولك ياذرانا مير
فعولك مثل قطر الغيث ما للقطر عدادي