اطهر البقاع

الخيال اللي بروقه حيه
شاق عين المهتوي قداحه
شافه اقباله مع الفجريه
وانتهض قلبه وزاد اجراحه
الرعد في صرخته عفويه
والمحبه نارها ذباحه
ذاب حرفه والدرر منقيه
والشمطري والنفل فواحه
من هجوس ٍ تعشق الغربيه
والمشاعر للحرم منزاحه
اطهر ابقاع الكره الأرضيه
والبشر في ساحته مرتاحه
قبلة المسلم لها قدسيه
كل مسلم دونها بسلاحه
والرسايل كلها مقريه
تكرم الكعبه عن التفاحه
 
 
ملاحظة/
مفردة التفاحه فالبيت الاخير
هي نادي ليلي في امريكا
على شكل الكعبه شرفها الله
ويسمى( تفاحة مكه )