الظلم واضح - مسفر الجعيد

يا الله يارب العرب والخواجات
ياحامي الكعبه ويا حافظ الدين
يافزعت المظلوم في كل الاوقات
يا ناصر الاسلام ضد المعادين
البارحه نومي من الهم غفوات
من شي شفته في ديار المساكين
شفت الحروب اللي هدفها ابادات
ومنهو سمع ماهو كمن شاف بالعين
ومن شاف بعيونه تجي له قناعات
الظلم واضح والمجازر براهين
بوش ايتحدانا وكل الديانات
والمسلمين ارقود يا ربي اتعين
شارون في غزه يهد البنايات
والارض محتله وملك الملاعين
وبغداد تدعينا ويا كثر الاموات
مشهد يعبر عن جميع العناوين
وما بين علاوي وياسر عرفات
ضاع العراق وضاعت اخته فلسطين
وما بين هذا وذاك راحت ولا جات
وطبع العرب للغرب دايم حليفين
مال العرب في نصرة الجار وقفات
والله يعز اللي رفع راية الدين
© 2024 - موقع الشعر