زايد الدغماني - تركي عبدالله العنزي

الصاحب اللي لاحضر طاريًه
افخر بذكره والمراجل حيًه

معزته وسط الضماير دايم
من طيب فعله والوفا ماضيًه

زايد ياذخري ثم ذراي وعوني
وقت الشدايد والخطر والنيًه

زايد ويالعد القراح الصافي
ياشمسْ لابانت تغيب الفيًه

زايد وفعله من قديمن ضافي
باين ولا هي بالخفا مكميًه

زايد وله نخوهْ تهز القاصي
وقت الشدايد والبشر مبليًه

زايد ومثله بالخلايق نادر
راع الكرم دايم وناره حيًه

زايد ودايم بالمراجل زايد
شامخ وفعله شامخاتٍ زيًه

زايد وإسمه زايد الدغماني
وْرْثْ المراجلْ وارثه من بيًه

وابوه من جده وساس لجده
ورثن قديمْ وماخذه ورثيًه

أقولها والله بسري عالم
محبةٍ وسط الحشا مبنيًه

أقولها مارجي وراها حاجه
كود الغلا والصحبه المشريًه

وعيال وايل كلهم بعيوني
وقت الشدايد فعلهم ماريًه

ربعي بني وايل وفعلن شامخ
كن المراجل بينهم محميًه

الطيب فيهم والمراجل فيهم
والشامخه من فعلهم مرقيًه

وقت الشدايد لابتي غْلًابَه
فزعة رجل واحد ولو هم ميًه

رجًالَنَا بالطيب يُذْكَرْ دايم
كن الكرم أبوه ولا خيًه

له مجلسن بالطيب دايم عامر
واللي عناله حاجته مقضيًه

وأنا من الويلان قسمي معهم
لي بصمةٍ بين العرب مرويًه

أَسَخٍرْ القيفان وقت الحزه
كتبت شعري والجزيله ليًه

يارب يارحمن تغفر ذنبي
ارفع عيوني واطلبك بيديً

© 2024 - موقع الشعر