اربع حروف

لـ ، ، في غير مُحدد

المنسابة: قصيده كتبها واحد اسمه ابو تركي كان معي بأحد المواقع وهالسالفه قبل 4 شهور تقريباواعجبتني قصيدته ورديت عليه وكنت حافظه بمفكره وتوي اشوفها قلت انزلها .....

ابيات ابو تركي ...
لانزف حبر القلم وثمر حروف
كلها تاقف لهيبتك وغلاك
ياعنود الريم يازين الوصوف
من يقارن مستواه بمستواك
اخذن وصفك من اوصاف الهنوف
جل ربن من حسن يوسف عطاك
الحلا وزين ياقف لك وقوف
يتبعك يمشي على جرة اخطاك
انت كلك بلحلا صرت محفوف
من قدم رجلك الى حمرة اشفاك
والخشم سله كما سل السيوف
سيف شيخآ مودعن خصمه هلاك
والشعر لنهل من فوق الكتوف
لليل مظلم يتحلابه سماك
ولينظرتيني اصفق بلكفوف
ودعي من قلبي عسى الله يحماك
يالطيف الحسن منته بمعيوف
من يعافك ماعرف قيمة حلاك
ابياتي .....
ياللي تهز القلم شعر ويتساقط حروف
تكتب وشعرك جزل مبني على ادراك
شاعر كفو وبحبكة الشعر معروف
تشهد لك الابيات وكل جزله تنصاك
وياللي غدى قلبك مع الزين مخطوف
وجلست تتغزل من غير وعي(ن) ولا ادراك
تراك متزوج وابو عيال واشوف
قلبك خضر للحين وكل عذرى تبلاك
صحيح ماني في زين خلق الله مكلوف
بس شعرك هيض القلب بأبيات يمناك
الزين والله في من اسمها اربع حروف
لو شفتها بتقول يا عناد وش جاك
مبسم وقد وطول وعيون وردوف
وخصرن كما الخاتم يسبب لك ارباك
وشعر(ن) مثل ليل(ن) فوق الامتان منسوف
لا شفتها اصيح يا لبيه ما احلاك
من زينها قلبي وانا اخوك متلوف
ومن زينها صار في وضعي ارباك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين