فواز - مرزوق بن دحيم العتيبي

يا أهل المدايح والسوالف والاقوال
الكلمه مع الناس مثل الامانه

والمدح ما ينقال في كل رجال
ألا لمنهو فوق طيبه حَصَانه

مجذوب من جدان واعمام وأخوال
وطيبه موثق في يدينه عنانه

فواز له في مجلس الخير مدهال
وعليه ملبوس الفخر والرزانه

إليا تكلم جاب عذبات الامثال
تنصت له الامه وتسمع بيانه

وإليا وقف في موقفه يشرح البال
وإليا أرتكى للعلم فهو التكانه

ياما تسجله جليلات الاعمال
اللي على السنه ونهج الديانه

كم أسرةٍ ذاقت من الضيم الاشكال
وقف لها ما حط للعذر خانه

مدات كفه كلها بيض وجزال
وفي مجلسه روس القبايل مصانه

وإن عودت طنخه أخذ قسمه جبال
كن المصاعب في يده خيزرانه

ما كنه ألا طويق ماحوله جدال
شامخ وبين الناس معروف شانه

مهما النساء جابن شغاميم وعيال
مثله فلا جابن ويشهد زمانه

ارويل من روس شجعان وابطال
اللي لهم فوق الثريا مكانه

حماية البل ذكرهم فوق ما طال
ما تنوخذ والروس تطنخ وزانه

والجار بحماهم لقى طيب وظلال
ليا ذاق من جور الليال اللعانه

روله والمدح فالعز يختال
كم واحدن مسرج بطيبه حصانه

على صحاري نجد والمجد زرفال
وفي سيرة التاريخ يبقى ضمانه

من عزوة عتيبه هل الخيل والمال
والوقت يشهد بالحقايق لسانه

وقصيدتي تلبس من الزين سلسال
وفي صدرها دانه ماهي بأي دانه

ما صغتها ياكود في مدح رجال
ومنهو نشدني عنه باقول عانه

© 2024 - موقع الشعر