الجفاف

خليه يبقى على حلمه ومشكوره
ياغايبه ماتفيد ( النار ) بحاره
:
وسادته بالدموع الزرق ممطوره
وقلبه زجاج انكسر في عين غداره
:
شاعر غيابك يطيح ويذبل شعوره
لاشب ذكراك تحرق غايته ناره
:
شوفي : قصيده وشوفي باقي سطوره
وشوفي : حضنه ( الجفاف ) وماتت ازهاره
:
لو فك قيد الكلام و ( رجّع ) حضوره
لفاه ( خيل السكوت ) وشّتت افكاره
:
في داخله للحنين بيوت مهجوره
مامره احباب , والا ناس زواره
:
اكبر طموحه , يشوف الناس مسروره
واصغر طموحه , محد يدري عن اسراره
:
خلاه صدك يفضفض كل مستوره
ل اشخاص تعبر غريبه داخل الحاره
:
يتخيلك في براويز المسا صوره
ويرسم ب وجه الصباح الوان تذكاره
:
يجلس بكرسي عليه امال منثوره
والشارع العام , والشباك وانواره
:
ذكرى قلاده , وغرشة عطر مكسوره
ومشيع ٍ للتجافي دفتر اشعاره
:
حزين ظن الامل ايديه مبتوره
لو عاش يأسه ب ينسى عالم افكاره
:
انسان عاش ب وهم واحلام محصوره
هو يحسب الحب يسوى عنده دياره
:
على كثر مايشب وينطفي نوره
يحس ب ان الهبايب تنفض غباره
:
طيّر على ذكر من خلوه عصفوره
واسدل ستاير غياب , ووفكك ازراره
:
غريب حظه رماه ف بنت مغروره
ول عازف الحي يبوح ب صوت مزماره
:
خالف طموحه وبكى ناس مسروره
واشعل ل برد الحنايا روح سيجاره