يا محتشم عني - أحمد الظفيري

يا هاربن مني عباتك تِعثر
عطني سِحر عينك علامك تِهزم

منك ترى روحي تلوى و تحسر
لا تفقد الخافق حياتن تبسم

من يوم مَا شفتك كياني تفطر
خلك حنونن في حضوني تعشم

شوقي اشوفك يا عساها تكرر
قللي متى تسهى عليَّا وتكرم

دامك تلوف اللوع فيني تبدر
بدرن حلاته في خفوقي تِكلم

هي فجئتن خلت حياتي تغير
تكفى فُجاآتك عطيني وتهندم

يا مرتبع قلبي تونى و تأخر
حبك سرق قلبي وتحدى وتجسم

صارت حياتي في عباتك تعثر
يا مرتدف قلبي دروبك متيم

كافي خجولن في عيونك تعذر
ارحم حبيبك في عيونك ترحم

يا محتشم عني تمشى و تخصر
دامك تملَّك في مصيري وتحكم

© 2022 - موقع الشعر