صـرخـة - عبدالمحسن المسعودي

جيتك من المظمى على رجوى السحاب
ولا وراي الا الطعون وهمها

مرات أحس بزرقة السمر الحراب
ومرات تطعني ولاني يمها

من كثر ماجربت بسنين الغياب
في غيبة من لاعرفها ذمها

يفوز باللذات جسر مايهاب
اللي اليا من قال كلمة تمها

من قبل لاهو يقولها يحسب حساب
وجيه مدحها مايرد يذمها

خل السراب وشوف مابعد السراب
والطعنة اللي ماتضرك ضمها

اضحك ليا ظنوا يبكيك الصواب
قل لابو الدمعات لابو كمها

وجه يخونك لاتعرضه العتاب
انسه ماهو كل الوجيه تعمها

طهارة اعظم ذنب من بعد العقاب
صرخة قبل تظهر تبلم فمها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر