المزن الكذوب - عبدالمحسن المسعودي

وجهتي للغرب عني شرقي
وعن مصير الشرق حدثك الغروب

اختلط بالدرب دمي وعرقي
لاوصلت ولامعي قلب يتوب

كم لك بعيني شموخ ويرتقي
لين صرت اشوف خلق الله عيوب

مهرتي نادى المنادي والحقي
ماينام الليل من كان مغلوب

غايتي لاجاك شعري صدقي
شاعرك خايف من ثياب الذنوب

تعبت اقدامي تدور مفرقي
من شمال الخوف وعيونك جنوب

قلت لعيونك تعالي واعشقي
يالسحابة لايبعثرك الهبوب

ارعدي باحشاي هلي وابرقي
العطش من عادة المزن الكذوب

يالليالي ليت ماقلت ارفقي
كنتي اجمل يوم ناقابك هروب

ويالقصايد لاجل خلي دنقي
وان كتبتك خلي الجرح مهيوب

© 2024 - موقع الشعر