الـــصدمه

لـ محمد المرشدي، ، في غير مُحدد، آخر تحديث

الـــصدمه - محمد المرشدي

تعال ابااسمعك في صدري ابيات
واباعتمدها ماني بمستشيرك

الصدمه اللي جاتني منك بالذات
ياليتها جتني من انسان غيرك

حاولت امررها على القلب بسكات
ومرت ولكن غيرت خط سيرك

حقيقتك غابت ورى كل مافات
وزالت مثل شمس الهجير بضميرك

ماكان بعيوني فوارق مسافات
لين اهتديت من القليل لكثيرك

عذرك قبلته مير هيهات هيهات
دربك خضر مشكور واصل مسيرك

اللي حصل كافي بدون اعترافات
ماجيتك انشد دمعتك واستثيرك

(لوكنت طير(ن) للهوى والملذات)
(لاعاد تربط مع مصيري مصيرك)

© 2023 - موقع الشعر